10 reasons for breaking up a true love | 10 Galtiyan jiski wajah se breakup ho sakta hai

       

     Hum jab kisi se sacche dil se pyaar karte hai tab hum kabhi ye nehi chahte hai ki hamara kabhi breakup ho .Lekin fir bhi kabhi kabhi bohut majbut rishta bhi Chutkiyon mein toot jata hai.. Ek lambi samay ki rishte mein najane kitne saare galtiyan hota hai..Aur unn galtiyon ki wajah se rishta dheere dheere kamjor  hone lagta hai aur ek waqt aisa ata hai jab rishta dum tod deti hai , aur hum apne pyaar ko hamesha kho dete hai..
          

     Aj  main aise hi kuch galtiyon ke ware mein baat karne jaa raha hu jiski wajah se saccha pyaar bhi kabhi toot jata hai ..Ab kuch log yeh bolenge ki saccha pyaar kabhi toot nehi sakta .. Lekin iss baat pe aap aankh band kar ke yakin na kare toh hi behtar hai.. Kyun ki kuch galtiyon ki wajah se pyaar mein bhi nafrat peda ho sakta hai ..Aur jab nafrat dheere dheere badh jata hai toh dusri aur dheere dheere pyaar kam ho jata hai.. Dosto pyaar toh har koi kar lete hai , lekin uss pyaar ko nibbana harr koi nehi janta .. Isiliye agar aap koi reletion mein ho , yaa fir kisi reletion mein aana chahte ho kuch baaten aap ko pata hona zaroori hai..
  
  Aj hum baat karenge 10 aisi wajah aur galtiyon ke ware mein jiski kaaran  aapki breakup ho sakta hai। -

1. Jhagra jyada hona :
         

   

    

     Ek reletion ki shuruaat bohut acchi tarike se hota hai.. Shuruaat mein hum ek dusro ko samajhne ki koshish karte hai.. lekin dheere dheere karke jab rishta purana hone lagta hai tab jhagra badh jata hai ..Chhoti chhoti baaton mein jhagra hone lagta hai.. Kuch hadd tak jhagra thik hai .. Toda bohut jhagra hona toh aam baat hai.. Lekin yeh jhagra jab dheere dheere badhne lagta hai tab yeh aap ki rishte ko barbad kar sakta hai..Chhoti -chhoti  baaton mein jhagra karne se yeh ek aadat si ho jaati hai harr baat pe jhagra karna ..Aur kab yeh jhagra bada ban jata hai kisi ko pata hi nehi chalta.. harr waqt jhagra karne se dheere dheere nafrat bhi badh jata hai..
           

     Isliye aap ko dhyan dana hoga ki kahi aap ka jhagra nafrat mein toh nehi badal raha ..??  Kahi aap bina wajah toh nehi lad rahe ??  Agar aisa ho raha hai toh aap jitna ho sake jhagre se dur rahiye.. Agar jhagra uski wajah se ho raha hai toh aap use pyaar se samjhane ki koshish kijiye.

2.jhuth ka sahara lena .

      

     Ledka ho yaa ledki , jhuth har kisi ko bura lagta hai .. Aur uss inssan ki muh se aur bhi jyada bura lagta hai jise aap bharosa karte ho..Agar aap ko jhuth pasand nehi hai toh samne wale ko bhi toh pasand nehi hoga . Isiliye kabhi bhi jhuth ka sahara nehi lena chahiye.. Jo sach hai use himmat se bolo , kyun ki jhuth ko kabhi chhupaya nehi ja sakta , ekdin na ekdin toh bahar ayega hi..Agar aap ko aisa lagata hai ki  aap agar sach bolege toh aap ka rishta toot sakta hai ..Toh woh aj hi tootne do , kyun ki aisa toh kabhi hona hi hai jab sach samne ayega ,isse pahle ki rishta jyada gehra ho jaye aur bad mein aap ko jyada taklif ho.
      Jhuth jitna bhi chhota kyun na ho , agar kabhi pakde jaoge tab uski aap ki upar jo yakin tha woh khatam ho jayega..

 3. Jhutha wada..
  

      Wada aisa karo jisse aap harr hal mein nibha sako.. Koi aisa wada mat karo ki aap use nibha na sako..
      Agar aap use diye huwe wade nibha nehi sakte ho tab use yeh lagega ki aap use pyaar nehi karte ho..Harr koi kaam aap nehi kar sakte ho , aapka bhi koi limitation hai , issliye kabhi josh mein aakar koi aisa wada na karna jisse aap nibha naa pao..

4. Rishte mein  bharose ki kami..       

     Agar aap ho ek dusre ko yakin nahi kar sakte ho toh rishta kaise majbut hoga..Agar woh aap se yakin nehi karti hai toh aap ki pyaar ko kaise yakin karegi.. jaha yakin hai wahi pyaar tik sakta hai ..
     

      Aap uski dil mein aapke liye vishwas jagao..Aur aap bhi use tab tak yakin karo jab tak sach samne na aaye..Agar baaton baaton mein use doubt karne lagoge toh aap use pyaar karna bhul jaoge..Woh jo bhi kare aap aapna pyaar saccha rakho..Agar woh koi galti kar rahi hai toh use aapne aap ekdin na ekdin ehsaas ho jayega..

  

  5.Dhoka dena
        

      Ajkal  social media ka jamana hai.. Jyada se jyada girlfriends yaa boyfriends banana ek naye trend jaisa hai.. Log sochte hai isse khud ka value jyada badh jata hai aur jyada faida hota hai.. Lekin aap agar kisi se sacche dil se pyaar karte ho aur use kabhi khona nehi chahte ho toh kabhi aisa mat karna.. Timepass ke liye agar aap aisa kar rahe ho toh yeh aap bohut badi galti kar rahe ho ..Isse aap aapna saccha pyaar kabhi bhi kho sakte ho .Aur jiske sath aap timepass kar rahe ho , sach samne aane par use bhi taklif hogi..
    

     Pyaar karne ke liye kisi ek ko hi chuno jise aap duniya ki saari khushiyan de sako , aur khud bhi usse apni hisse ki khushiyan hasil kar sako..

 6. Bura vyavahar

  

     Kabhi kabhi aisa hota hai ki hum aapne gusse ko Kabu nehi kar pate  hai..Aur gusse mein aapne saathi ko kuch aisi baat bol dete hai yaa gaali de dete hai ki woh bohut jyada hurt ho jati hai..Aur uss baat ko woh kabhi vhul nehi sakti hai aur aap ko nafrat karne lagti hai.. Isliye hamesha aapne saathi ke sath achha vyavahar karna chahiye. Isse rishta khubsurat aur matured hota hai ..Love aur respect dono ek sath bohut accha lagta hai..

  

 7. Hamesha khud ko hi sahi manna

   

    Insaan  ki yeh hi sabse badi galti hai ki
hamesha khud ko hi sahi lagna . Har cheez mein aap hi sahi ho aur samne wala galat ho aisa hona zaroori nehi . Shayad aap ko aisa lagta hoga ki aap sahi ho , lekin aap jab dhyan se sochage tab ho sakta hai aap bhi galat ho.. Agar aap galat ho toh aap usse turant mafi manglo ..Aur agar galti uski hai toh usko bhi maf kar do .Galtiyan chahe jitna bada hi kyun na ho , use maaf kiya ja sakta hai..
     

    Agar aap hamesha khud ko hi sahi manoge , aap jo kar rahe ho sahi hai , aap jo bol rahe ho wo hi sahi hai  , tab koi bhi aap ke sath nehi reh payega..
 

  8.Dusro ki baaten jyada sunna.

     Shayad  aisa koi tisra insaan hoga jisko aapka itna khubsurat rishta manjur nehi hai..Woh hamesha aapki rishte ko todne ki koshish karega. Isliye dusro ki baaton mein aakar apne pyaar par shak nehi karna chahiye..Isse shayad aapka nuksaan bhi ho sakta hai ..Agar koi aapki pyaar ke ware mein kuch galat bol raha hai toh uska irada kya ho sakta hai yeh bhi sochna chahiye..

  9. Jyada din tak baat na hona
   

   Kabhi kabhi jhagra thoda bada ho jata hai ..Aur hum ek dusre se 4-5 din tak ya aur jyada din tak baat nehi karte.. Aisa karne se pyaar kam hone lagta hai ..Jab hum ek dusre se baat na kiye kuch dino tak reh lete hai , tab hume yeh ehsas ho jata hai ki hum ek dusre ke bina bhi reh sakte hai..Aur bina baat kiye rehna ka aadat dheere dheere badh jata hai .

 10. Zaroorat pura na kar pana
        

    Yeh shayad sabse kamjur ek wajah hai koi rishta tootne ka .Agar aap se koi kuch aisa cheez dimand kare aur aap use   woh cheez dene mein samarth na ho ,  aur aap ko wo chodd kar chali jaye toh aap use jaane do..Koi agar aap ko paisa aur doulat ki wajah se chhod kar jana chahte hai toh use mat roko..Kyun ki woh kabhi aap ka saccha pyaar samajh nehi payegi.. Aur aise logo ko pyaar karna bekar hai aur samay ki barbadi hai .
  
       Dosto kuch aise hi wajah ho sakta hai  jo ek reletion ko kharab kar sakta hai.. Isliye kuch baaten hamesha dhyan dena zaroori hai dusro ki feeling ko samjhne ke liye.. Akhir tak aapka sacha pyaar hi aap ki rishte ki umar ko badha sakta hai..
    
 
      

  

 
 

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post